Riberi: Daha çox hörmət gözləyirdim

“Fiorentina” ilə yollarını ayıran və hazırda azad agent olan Frank Riberi açıqlama verib.

Corner.az xəbər verir ki, 38 yaşlı fransız futbolçu, Florensiya təmsilçisindən ayrılığı ilə bağlı danışıb:

“Fiorentina”da daha bir il qalmaq istəyirdim, ancaq alınmadı. Hər zaman formasını geyindiyim komandalar üçün əlimdən gələni etməyə çalışmışam. Florensiyada qalmaq istəsəm də vəziyyət fərqli idi. Heç vaxt oynadığım klubu tənqid etmərəm. “Fiorentina” ilə bağlı gözəl xatirələrim oldu.

İtaliyada qalmaq istəyirəm. İndi necə olacağını bilmirəm. Gələcəyim haqda bir fikrim yoxdur. Ayrılıq mənim üçün elə də asan olmadı. “Fiorentina”dan heç kim mənə heç nə demədi, heç kim məni çağırmadı.Klub rəhbərliyindən daha çox hörmət gözləyirdim. Nə edək, olmadı, həyatdır”.

Xatırladaq ki, Riberinin “Fiorentina” ilə müddəti bitən müqaviləsi yenilənməyib