Yuventus onunla danışığa başlayacaq

İtaliyanın “Yuventus” klubu futbolçusu Paulo Dibalanın müqaviləsinin müddətini artırmaq istəyir.

Corner.az xəbər verir ki, bu barədə klubun vitse-prezidenti Pavel Nedved açıqlama verib. İtaliya mətbuatına danışan 48 yaşlı vitse-prezident, yaxın günlərdə 27 yaşlı argentinalı oyunçunun meneceri ilə görüşəcəklərini bildirib:

“Yaxın zamanda Dibalanın meneceri ilə görüşəcəyik və müqavilənin uzadılmasını müzakirə edəcəyik. Dibala “Yuventus”un vacib futbolçularındandır və əminəm ki, onunla razılaşacağıq”.

Dibalanın klubla müqaviləsi 2022-ci ilin yayına qədərdir.O, 2015-ci ildən “Yuventus”da çıxış edir.