Sarri 2 oyun cəzalandırıldı

İtaliyanın “Latsio” klubunun baş məşqçisi Mauritsio Sarri iki oyunluq cəzalandırılıb.

Corner.az xəbər verir ki, bu barədə İtaliya A Seriyasının rəsmi saytı məlumat yayıb.

62 yaşlı məşqçi A Seriyasının 3-cü turu çərçivəsində “Milan”a 0:2 hesabıyla məğlub olduqları oyundan sonrakı davranışlarına görə bu cəza verilib. Təcrübəli mütəxəssisə matçdan sonra rəqib futbolçularla münaqişəyə girişdiyi üçün qırmızı vərəqə göstərilmişdi.

Sarri cəzalı duruma düşdüyü üçün A Seriyasında “Kalyari” və “Torino”ya qarşı keçirəcəkləri oyunlarda texniki zonada yer ala bilməyəcək.