- İtaliya S.A.
- 17:09 23.10.2024
İtaliyanın "Yuventus" klubunun futbolçusu Artur Melo avtomobil qəzasına düşüb.
Corner.az-ın "Football Italia"ya istinadən məlumatına görə, hadisə bu gün səhər saatlarında Turin şəhərində baş verib.
Qəzada ciddi xəsarət alan olmayıb. 25 yaşlı oyunçunun qəzanın səbəbkarı olduğu bildirilib. Braziliyalı futbolçu idarə etdiyi "Ferrari" markalı avtomobilə ziyan dəyib. Artur tibbi müayinə üçün xəstəxanaya aparılıb.
Qeyd edək ki, Artur Melo "Yuventus"a 2020-ci ilin yayında "Barselona"dan keçib.