Nyukasl'la yaxşı əlaqələrim var – Mourinyo

Adı “Nyukasl” klubu ilə hallanan portuqaliyalı mütəxəssis Joze Mourinyo açıqlama verib.

Corner.az xarici mətbuata istinadən xəbər verir ki, hazırda “Roma"nı çalışdıran  58 yaşlı mütəxəssis, “Nyukasl”la yaxşı əlaqələrinin olduğunu deyib:

“Adımın “Nyukasl”la hallanmasıyla bağlı deyəcək bir sözüm yoxdur. Klubun əfsanəvi futbolçusu Bobbi Robsonla birlikdə “Barselona”da işləmişəm. O, “Nyukasl” tarixinin ən böyük insanlarından biridir. Bu klubla hər zaman yaxşı əlaqələrim olub və hazırda da davam edir. Ancaq indi “Roma”dakı layihə üzərində çalışıram və bütün diqqətimi bura yönləndirmişəm”.