İtaliya A Seriyasında 11-ci turun oyunlarına start verilib. Corner.az xəbər verir ki, ilk oyun günündə üç qarşılaşma baş tutub.
Turun açılış matçında “Atalanta” doğma meydanda “Latsio”nu qəbul edib. Dörd qolun qeydə alındığı bu oyunda qalib müəyyənləşməyib.
“Yuventus” bu turda səfərdə “Verona”nın qonağı olub. Uğursuz mövsüm keçirən Turin təmsilçisi bu oyunda da məğlubiyyətlə üzləşib.
Turinin digər təmsilçisi “Torino” isə “Sampdoriya” ilə ev oyununda qalib gəlib.
İtaliya A Seriyası
11-ci tur
30 oktyabr
Atalanta – Latsio 2:2
Qol: Sapata, 45+1. De Roon, 90+4 – Pedro, 18. İmmobile, 74.
Verona – Yuventus 2:1
Qol: Simeone, 11; 14 – Makkenni, 80.
Torino – Sampdoriya 3:0
Qol: Praet, 17. Sinqo, 52. Belotti, 90+3.