- İtaliya S.A.
- 17:09 23.10.2024
"İnter" klubu futbolçusu Kristian Eriksenlə müqaviləni qarşılıqlı razılıq əsasında ləğv edəcək.
Corner.az-ın məlumatına görə, bu barədə italiyalı jurnalist Fabritsio Romano şəxsi "Tviter"ində paylaşım edib. O, belə bir addımın 29 yaşlı yarımmüdafiəçinin A Seriyasında kardioverter-defibrillyatorla oynaya bilməyəcəyi ilə əlaqədar atıldığını vurğulayıb.
"İnter"in yaxın günlərdə danimarkalı futbolçu ilə müqavilənin ləğv etməsi ilə bağlı rəsmi məlumatın verilməsi gözlənilir.
Qeyd edək ki, iyunun 12-də Danimarkanın Finlandiyaya 0:1 hesabı ilə uduzduğu Avropa çempionatının qrup mərhələsinin I tur oyunu zamanı Kristian Eriksenin ürəyi tutub. Bundan sonra təcrübəli yarımmüdafiəçinin ürəyində kardioverter-defibrillyator quraşdırılıb. O vaxtdan Eriksen rəsmi matçlarda bir daha meydana çıxmayıb. Onun "İnter"lə müqaviləsi 2024-cü ilədək qüvvədədir.