İnter'in futbolçusunun evi qarət olundu

İtaliyanın "İnter" klubunun futbolçusu Stefano Sensinin evi qarət olunub.

Corner.az "La Gazzetta dello Sport"a istinadən məlumatına görə, hadisə Milan təmsilçisinin A Seriyasının 19-cu turu çərçivəsində "Torino"ya qarşı keçirdiyi matç zamanı baş verib.

Mətbəxin pəncərəsindən evə daxil olan cinayətkarlar ümumi dəyəri 70 000 avro olan qol saatlarını və digər qızıl-zinət əşyalarını oğurlayıblar. 26 yaşlı yarımmüdafiəçiyə dəymiş zərər 200 000 avro olaraq qiymətləndirilib.

Qeyd edək ki, "İnter" - "Torino" matçı meydan sahiblərinin 1:0 hesablı qələbəsi ilə yekunlaşıb