Özbəkistanda 2021-ci ilin ən yaxşı futbolçusu müəyyənləşib. Corner.az xəbər verir ki, hazırda “Roma” klubunda çıxış edən Eldor Şomurodov ölkəsində ilin ən yaxşı oyunçusu seçilib.
Bu barədə Özbəkistan Futbol Federasiyasının rəsmi saytı məlumat yayıb. 26 yaşlı hücumçu jurnalistlər arasında keçirilmiş sorğu nəticəsində ən yaxşı futbolçu seçilib.
Özbəkistan millisinin də formasını geyinən Şomurodov, bu ilin yayından “Roma”da çıxış edir. O, paytaxt təmsilçisində indiyə qədər meydana çıxdığı 23 oyunda 3 qola imza atıb.
