İtaliya klubu karantinə alındı

İtaliyanın "Udineze" klubu tam tərkibdə karantinə alınıb.

Corner.az klubun rəsmi saytına istinadən xəbər verir ki, buna səbəb komandada koronavirusa yoluxma hallarının artması olub.

Kollektiv yerli səhiyyə orqanının qərarı ilə yanvarın 5-dən 9-dək təcrid olunub. Bu səbəbdən "Udineze"nin "Fiorentina"ya, və "Atalanta"ya qarşı keçirəcəyi çempionat oyunları keçirilməyəcək.

Klub görüşlərin təxirə salınması ilə bağlı çempionatın rəhbərliyinə müraciət etsə də, bunun mümkün olmadığı bildirilib. Bu halda komandaya texniki məğlubiyyətin veriləcəyi gözlənilir.

Qeyd edək ki, indiyədək "Udineze"də 9 futbolçunun COVID-19 testi müsbət çıxıb.