"Roma”nın baş məşqçisi Joze Mourinyo heç vaxt işləmək istəmədiyi klubların adlarını açıqlayıb. Corner.az xəbər verir ki, İtaliya mətbuatına danışan 58 yaşlı portuqaliyalı mütəxəssis, “Latsio” və “Milan”da heç vaxt işləməyəcəyini söyləyib:
“Biz peşəkar insanlarıq. Lakin daha əvvəl çalışdığımız yerlərə görə işləməməli olduğumuz klublar var. 2010-cu ildən sonra “Roma” mənə təklif göndərən ilk klub idi. Digərlərindən fərqli olaraq mən bu təklifi qəbul etdim. Bundan sonra “Roma”nın əzəli rəqibi olan “Latsio”nuda çalışdırmaram. Daha əvvəl “İnter”də də işləmişəm. “Milan”la problemim yoxdur, amma bu klubda da işləmərəm. Bu, sadəcə işlədiyim klublara olan hörmət məsələsidir”.
