Mourinyo dünyanın ən yaxşı baş məşqçilərindən biridi

"Arsenal”dan icarə əsasında “Roma”ya keçən Ensli Meytlend-Naylz komandanın baş məşqçisi Joze Mourinyo haqda fikirlərini bölüşüb.

Corner.az xəbər verir ki, 24 yaşlı yarımmüdafiəçi portuqaliyalı mütəxəssisin dünyanın ən yaxşı baş məşqçilərindən biri olduğunu bildirib:

“Mourinyo dünyanın ən yaxşı baş məşqçilərindən biridir. O, bir çox titul qazanıb və möhtəşəm insandır. Mourinyo hər zaman qazanmaq istəyən biridir. Belə bir mütəxəssis ilə işləməyin necə olacağını soruşmağa ehtiyac yoxdur.

Mourinyo ilə görüşmüşəm. Onunla yemək yedik, söhbət etdik. Mənə planlarını və məndən gözləntilərini bildirdi. Gözəl tanışlıq olduğunu düşünürəm”.

İngilis futbolçu mövsümün sonuna qədər “Roma”da çıxış edəcək