İtaliyanın “Sampdoriya” komandasının yeni baş məşqçisi müəyyənləşib. Corner.az xəbər verir ki, A Seriyası təmsilçisinin "sükan"ı Marko Campaolo həvalə olunub.
Bu barədə klubun rəsmi saytı məlumat yayıb. Tərəflər arasındakı müqavilə 2024-cü ilin yayına qədər nəzərdə tutulub. 54 yaşlı mütəxəssis “Sampdoriya”da bir neçə gün öncə istefaya göndərilmiş Roberto Daversanı əvəzləyib.
Qeyd edək ki, italiyalı məşqçi 2016-2019-cu illər aralığında da bu komandaya rəhbərlik edib.
