Futbolda yeni ad tapmağımız lazımdı

"Roma”nın baş məşqçisi Joze Mourinyo İtaliya A Seriyasının 24-cü turunda “Cenoa”ya qarşı keçirdikləri oyunu şərh edib.

Corner.az xəbər verir ki, İtaliya mətbuatına açıqlama verən Mourinyo, 0:0 hesabıyla bitən matçla bağlı danışarkən, hakimləri tənqid edib:

“Hakimin verdiyi qərar düzgündürsə, deməli, illərdir sevdiyimiz futbol dəyişib. Temmi Abrahamın etdiyi cərimə idisə, deməli, bu, futbol deyil, başqa idman növüdür. Futbola yeni ad tapmağımız lazımdı”.

“Roma”nın matçın 90-cı dəqiqəsində vurduğu qol VAR-a (video köməkçi hakim) baxıldıqdan sonra ləğv edilib.