İtaliya kubokunda 1/4 final mərhələsinə yekun vurulub. Corner.az xəbər verir ki, sonuncu oyun günündə iki qarşılaşma baş tutub.
“Atalanta” doğma meydanda “Fiorentina”nı qəbul edib. Beş qolun qeydə alındığı bu oyunda qonaqlar qələbə qazanıb.
“Yuventus” isə evdə “Sassuolo”nu qəbul edib. Turin təmsilçisi də çətin qələbə qazanaraq növbəti mərhələyə yüksəlib.
İtaliya kuboku
1/4 final
8 fevral
İnter – Roma 2:0
Qol: Dzeko, 2. A.Sançes, 68.
9 fevral
Milan – Latsio 4:0
Qol: Leao, 24. Jiru, 41; 45+1. Kessye, 79.
10 fevral
Atalanta – Fiorentina 2:3
Qol: Zappakosta, 30. Boqa, 56 – Pyontek, 9-pen; 71. Milenkoviç, 90+3.
Yuventus – Sassuolo 2:1
Qol: Dibala, 3. Ruan, 88-öz qapısına – Traore, 24.
Beləliklə, yarımfinalda “Fiorentina” “Yuventus”la, “İnter” isə “Milan”la qarşılaşacaq. Yarımfinal görüşləri ev-səfər prinsipi ilə keçiriləcək. İlk oyunlar 2-3 martda, cavab görüşləri isə 20-21 apreldə baş tutacaq.
