Mourinyo hakimi təhqir etdiyinə görə cəzalandırıldı

İtaliyanın "Roma" klubunun baş məşqçisi Joze Mourinyo cəzalandırılıb.

Corner.az "Football Italia" nəşrinə istinadən xəbər verir ki, buna səbəb portuqaliyalı mütəxəssisin evdə A Seriyanın 26-cı turunda "Verona" ilə 2:2 hesablı heç-heçə etdikləri matçda baş hakim Luka Payrettonu təhqir etməsi olub. Referini qərəzli idarəçilikdə günahlandıran 58 yaşlı mütəxəssis 2 oyunluq diskvalifikasiya edilib.

Həmçinin "Verona" ilə qarşılaşmada meydana çıxmağa cəhd edən paytaxt klubunun idman direktoru Tyaqo Pintoya da 1 oyunluq cəzalandırılıb.

Mourinyo ilə yanaşı "Atalanta"nın baş məşqçisi Can Pyero Qasperini səfərdə "Fiorentina"ya 0:1 hesabı ilə məğlub olduqları görüşdə referiyə etiraz və hörmətsizliyə görə diskvalifikasiya olunub. O, növbəti turda texniki zonada yer almayacaq.