Alleqri:Qələbə qazanmaq vacib idi

“Yuventus”un baş məşqçisi Massimiliano Alleqri A Seriyasının 27-ci turunda “Empoli” üzərində qazandıqları qələbədən (3:2) sonra açıqlama verib.

Corner.az İtaliya mətbuatına istinadən xəbər verir ki, 54 yaşlı mütəxəssis görüşdəki uğurlu oyununa görə Vlahoviçə təşəkkür edib:

“Duşan Vlahoviç kimi texnikalı və xarakteri futbolçumuz yox idi.

Qələbə qazanmaq vacib idi, xalımızın sayını 50-yə çatdırdıq və bu matça fiziki cəhətdən çoxlu əksiklərlə çıxdığımızı bilirəm. Hesabı 4-1 etmək üçün gücümüz yox idi, amma qələbə qazanmaq üçün əziyyət çəkdik.

Amma mən komanda üçün xoşbəxtəm. Biz bir çox çətin matçlardan gəlmişik, bunu unutmayaq".