İtaliya A Seriyasında 20-ci turdan təxirə salınmış oyunlar keçirilib. Corner.az xəbər verir ki, bu gün üç qarşılaşma baş tutub.
Səfərdə “Fiorentina”nın qonağı olan “Udineze” 4 cavabsız qolla qalib gəlib. 8 qolun qeydə alındığı “Atalanta” – “Torino” matçında qalib müəyyənləşməyib.
Çempionluq uğrunda mübarizə aparan “İnter” isə səfərdə “Bolonya”nın qonağı olub. Milan təmsilçisi bu oyunda qələbə qazansaydı, əzəli rəqibi olan lider “Milan”ı qabaqlayaraq vahid lider olacaqdı.
Hesabı “İnter” açsa da ruhdan düşməyən meydan sahibləri qalan dəqiqələrdə əzmkar oyun göstərərək qələbə qazanıb və “Milan”a çempionluq yolunda böyük bir yol açıb.
Beləliklə, bu nəticələrdən sonra “Milan” 74 xalla birinci, “İnter” 72 xalla ikincidir. “Fiorentina” 56 xalla 7-ci, “Atalanta” 55 xalla 8-ci, “Torino” 44 xalla 11-ci, “Udineze” 43 xalla 12-ci, “Bolonya” isə 42 xalla 13-cü pillədə qərarlaşıb.
İtaliya A Seriyası
20-ci turun oyunları
27 aprel
Fiorentina – Udineze 0:4
Qol: Mari, 12. Deulofeu, 36. Uollas, 90+1. Udoqi, 90+5.
Atalanta – Torino 4:4
Qol: Muriel, 18-pen; 84-pen. De Roon, 23. Paşaliç, 78 – Sanabriya, 4. Lukiç, 36-pen; 63-pen. Freuler, 67-öz qapısına.
Bolonya – İnter 2:1
Qol: Arnautoviç, 28. Sansone, 81 – Perişiç, 3.
