İtaliyalı mütəxəssis Stefano Piolinin rəhbərlik etdiyi “Milan” İtaliya çempionu olaraq unikal statistik göstəriciyə imza atıb. Corner.az xəbər verir ki, “Milan” 3 xal sistemi tətbiq olunandan bəri A Seriyasında çempionluğu qazanan ən gənc komandadır.
Çempionun meydana buraxdığı futbolçuların orta yaşı 26 yaş 97 gün olub.
“Rossonyerlər” 2010/11 mövsümündən sonra ilk dəfə İtaliya çempionu olub. Komanda tarixində 19-cu dəfə çempion olub. Bu göstəriciyə görə “Milan” “İnter”ə çatıb. Ən çox qələbə qazanan isə “Yuventus”dur – 36.
