İtaliya A Seriyasında avqust ayının ən yaxşı futbolçusu müəyyənləşib.Corner.az İtaliya Futbol Assosiasiyasının saytına istinadən xəbər verir ki, "Napoli"nin yarımmüdafiəçisi Xviça Kvaratsxeliya ötən ayın ən yaxşı oyunçusu seçilib.
21 yaşlı futbolçu avqustda Seriya A çempionatında meydana çıxdığı 4 oyunda 3 qol vurub, 1 məhsuldar ötürmə müəllifi olub.
Xatırladaq ki, Gürcüstan millisinin futbolçusu bu yay Batumi “Dinamo”sundan “Napoli"yə keçib. Onun atası Badri Kvaratsxeliya 1997-98-ci illərdə “Kəpəz”də, 1998-2005-ci illərdə isə “Şəmkir”də oynayıb. O, Azərbaycan milli komandasının da formasını geyinib.
