Yuventus və İnter səfərdə, Milan evdə uduzdu

İtaliya A Seriyasında 7-ci tura yekun vurulub. Corner.az xəbər verir ki, bu gün daha 6 qarşılaşma baş tutub.

Səfərdə “Udineze”nin qonağı olan “İnter” turu məğlubiyyətlə başa vurub. “Yuventus” səfərdə “Montsa”ya, “Roma” isə evdə “Atalanta”ya minimal hesabla uduzub. Üç qolun qeydə alındığı “Milan” - “Napoli” matçında da qonaqlar qələbə qazanıb. "Latsio" səfərdə "Kremoneze" üzərində darmadağına sevinibsə, "Fiorentina" isə evdə "Verona"dan üstün olub.

7 turdan sonra 17 xala malik “Napoli” və “Atalanta” zirvəyə şərikdirlər. “Udineze” 16 xalla üçüncü pillədə qərarlaşıb. “Latsio” və “Milan”ın 14, “Roma”nın 13, “İnter”in 12, “Yuventus”la “Torino”nun 10 xalı var.

İtaliya A Seriyası
7-ci tur
16 sentyabr

Salernitana – Leççe 1:2
Qol: Qonsales, 55-öz qapısına – Sisay, 43. Strefetsa, 83.

17 sentyabr

Bolonya – Empoli 0:1
Qol: Bandinelli, 75.

Spetsiya – Sampdoriya 2:1
Qol: Murilyo, 12-öz qapısına. Nzola, 72 – Sabiri, 11.

Torino – Sassuolo 0:1
Qol: A.Alvares, 90+3.

18 sentyabr

Udineze – İnter 3:1
Qol: Şkrinyar, 22-öz qapısına. Biyol, 84. T.Arslan, 90+3 – Barella, 5.

Kremoneze – Latsio 0:4
Qol: İmmobile, 7; 21-pen. Milinkoviç-Saviç, 45+2. Pedro, 79.

Fiorentina – Verona 2:0
Qol: İkone, 13. N.Qonsales, 90.

Montsa – Yuventus 1:0
Qol: Qyutker, 74.

Roma – Atalanta 0:1
Qol: Skalvini, 35.

Milan – Napoli 1:2
Qol: Jiru, 69 – Politano, 55-pen. Simeone, 78.