İtaliyanın “Milan” klubu ciddi itkilərlə üzləşib. Corner.az xəbər verir ki, A Seriyası təmsilçisinin müdafiəçisi və kapitanı David Kalabriya, həmçinin yarımmüdafiəçi Aleksis Salemakers sıradan çıxıb.
Onların hər ikisi A Seriyasının 8-ci turu çərçivəsində keçirilmiş “Empoli” ilə səfər oyununda (3:1) sıradan çıxıb. Elə ilk yarıda zədələnən oyunçular erkən əvəzlənmək məcburiyyətində qalıblar.
Kalabriyanın zədəsinin daha ciddi olduğu bildirilir. Onun bud nahiyəsindən aldığı zədəyə görə bu il komandaya kömək edə bilməyəcəyi gözlənilir.
Salemakersin isə hansı müddətə sıradan çıxdığı hələ dəqiqləşməyib. Tibbi müayinədən sonra futbolçuya medial bağın qismən qopması diaqnozu qoyulub. Yarımmüdafiəçiyə konservativ müalicə veriləcək.