Yuventus'un yeni prezidenti bilindi

İtaliyanın "Yuventus" klubunun yeni prezidenti bəlli olub.

Corner.az yerli mətbuata istinadən xəbər verir ki, bu barədə Turin təmsilçisinə nəzarət edən "Exor" holdinq qərar verib.

"Qoca sinyora"nın Canluka Ferreroya həvalə olunacağı vurğulanıb. O, bir çox şirkətlərdə - "Fincantieri", "Lavazzara", "Biotronik", "Praxi", "Gedi", "Nuo", "Fenera" və "Lifenet"də menecer, mühasib və auditor kimi çalışıb. Ferrero "Piedmont" bankının da vitse-prezidentidir.

Qeyd edək ki, ötən gün "Yuventus"un prezidenti Andrea Anyelli və vitse-prezidenti Pavel Nedved istefa verib.