“Yuventus” İtaliya Kubokunda yeni rekord müəyyənləşdirib. Corner.az xəbər verir ki, Turin klubu 1/8 final mərhələsində “Monza”nı 2:1 hesabı ilə məğlub etməklə bunu nail olub.
“Qoca sinyora” ölkə kubokunda ardıcıl 16-cı dəfə 1/4 finalda iştirak hüququ qazanmaqla yeni rekorda imza atıb. Komanda sonuncu dəfə B seriyasında mübarizə apardığı 2006-07 mövsümündə kubokun 1/4 finalını görməyib.
Qeyd edək ki, “Yuventus” 1/4 final çərçivəsində fevralın 1-də səfərdə “Latsio” ilə qarşılaşacaq. Roma klubu ardıcıl 12 dəfə bu mərhələyə qədər irəliləməyə müvəffəq olub.
