“Milan” ardıcıl 4-cü məğlubiyyətini alaraq, son 6 ilin ən uğursuz göstəricisinə imza atıb. Corner.az xəbər verir ki, “rossonyerlər” axırıncı dəfə 2017-ci ilin yanvar-fevral aylarında keçirdiyi ardıcıl 4 görüşdə meydanı məğlub tərk edib.
A seriyasında “Sassuolo” və “Latsio”dan sonra dünən 21-ci tur çərçivəsində “İnter”ə (0:1) uduzan son çempion İtaliya Superkuboku matçında da əzəli rəqibinə 0:3 hesabı ilə yenilmişdi.
Stefano Piolinin yetirmələri hazırda A seriyasında turnir cədvəlinin 6-cı pilləsində qərarlaşır.
