"Yuventus” İtaliya A Seriyasının 27-ci turunda “İnter”i 1:0 hesabıyla məğlub edib. Corner.az xəbər verir ki, Turin təmsilçisi 1976/77 mövsümündən sonra ilk dəfə İtaliya çempionatında “İnter”ə iki dəfə qalib gəlib.
46 il sonra bunu bacaran turinlilər Milan təmsilçisi ilə mövsümün ilk matçını da 2:0 hesablı qələbə ilə başa vurmuşdular.
“Qoca sinyora” hazırda İtaliya çempionatının turnir cədvəlində 41 xalla yeddinci, “İnter” isə 50 xalla üçüncüdür.
