"Latsio”nun hücumçusu Çiro İmmobile “Roma”nın əfsanəvi kapitanı Françesko Totti və “Udineze”dəki çıxışı ilə tanınan Antonio Di Natalenin rekorduna yaxınlaşıb. Corner.az xəbər verir ki, 33 yaşlı forvard A seriyasının XXX turunda “Speziya” ilə oyunda fərqlənməklə buna nail olub.
Komandasının 3:0 hesabı ilə qalib gəldiyi görüşdə hesabı açan İmmobile ardıcıl yeddi mövsümün hər birində eyni komandada ən azı 10 qol vurmağı bacaran üçüncü oyunçu olub. Hazırkı rekordçular Totti və Di Natale doqquz mövsüm buna nail olublar.
Qeyd edək ki, İmmobile cari mövsüm A seriyasında keçirdiyi 22 oyunda 10 qol vurub, 3 məhsuldar ötürmə verib.
