"Real”ın yarımmüdafiəçisi Luka Modriç zədə səbəbindən Çempionlar Liqasının yarımfinalında “Mançester Siti” ilə ilk oyunu buraxmaq riski ilə üzləşib. Corner.az xəbər verir ki, xorvatiyalı yarımmüdafiəçinin bud sümüyü əzilib.
Bu səbəbdən o, iki həftə yaşıl meydanlardan kənarda qalacaq. 37 yaşlı yarımmüdafiəçi qarşıdakı La Liqa matçlarında və “Osasuna” ilə kral kubokunun finalında da komandasına kömək edə bilməyəcək.
Xorvatiyalı futbolçunun Çempionlar Liqasının yarımfinalında “Mançester Siti” ilə ilk matçda iştirakı sual altındadır. İlk oyun mayın 9-da, Madriddə keçiriləcək.
