“Napoli”nin İtaliya çempionluğunu qeyd etməsi bir nəfərin ölümü ilə nəticələnib. Corner.az xəbər verir ki, Neapol küçələrində atışma baş verib və insident nəticəsində bir nəfər dünyasını dəyişib.
Atışma on minlərlə pərəstişkarın iştirak etdiyi möhtəşəm şənlik zamanı yaşanıb. 26 yaşlı zərərçəkən xəstəxanasına çatdırılsa da, orada vəfat edib.
Bundan xəbər tutan mərhumun yaxınları xəstəxanaya hücum edərək, ora ciddi ziyan vurublar.
Qeyd edək ki, “Napoli” son 33 ildə ilk, tarixində isə üçüncü dəfə İtaliya çempionluğunu qazanıb.
