İtaliya A seriyasının XXXIV turunda “Fiorentina” üzərində “Napoli” Viktor Osimxenin penaltidən vurduğu yeganə qolla qələbə qazanıb. Corner.az xəbər verir ki, bununla 24 yaşlı forvard bu mövsüm çempionatda keçirdiyi 28 oyunda qolların sayını 23-ə çatdırıb.
Bu isə hər 99 dəqiqədə bir qol deməkdi. Bombardirlər yarışına liderlik edən nigeriyalı oyunçu İtaliya çempionatlarındakı ümumi qol sayını 47-yə yüksəldib. Buna 79 matçda nail olan Osimxen A seriyası tarixinin ən məhsuldar afrikalısı ünvanın sahibi olub. O, “Milan”ın sabiq futbolçusu Corc Veaya məxsus 46 qolluq rekordu yeniləyib.
Qeyd edək ki, A seriyasında mövsümün sonuna hələ 4 tur qalsa da, “Napoli” çempionluğunu öncədən rəsmiləşdirib.
