"Yuventus” 2009-cu ildən bəri Avropa Liqasında ev oyunlarında məğlub olmur. Corner.az xəbər verir ki, “Qoca sinyora”nın doğma azarkeşlər önündə məğlubiyyətsizlik seriyası 15 görüşə yüksəlib.
Turin təmsilçisi bu oyunların 7-də qələbə qazanıb, 8 dəfə heç-heçə edib. İtaliya nəhəngi son olaraq dünən yarımfinalda “Sevilya” ilə evdə "sülh bağlayıb".
Qeyd edək ki, “Yuventus”la “Sevilya” arasında cavab oyunu mayın 18-də keçiriləcək.
