İtaliya A seriyasının XXXVI turunda “Roma” evdə “Salernitana” ilə qollu (2:2) heç-heçə edib.
Corner.az xəbər verir ki, paytaxt təmsilçisi bununla ölkə çempionatında qələbəsiz oyunlar seriyasını 6-ya çatdırıb.
Joze Mourinyonun yetirmələri sonuncu dəfə aprelin 16-da evdə “Udineze”ni 3:0 hesabı ilə üstələyib. Həmin qarşılaşmadan bəri “canavarlar” liqada keçirdikləri 6 görüşün 4-də bərabərə qalıb, 2 dəfə məğlub olub.
Hazırda turnir cədvəlinin 6-cı pilləsində qərarlaşan “Roma” sona iki tur qalmış Çempionlar Liqasına vəsiqə verən 4-cü yerdən 4 xal geri qalır.