“Milan” “Atalanta”nın qapıçısı Marko Sportiellonu heyətinə qatır.
Corner.az xəbər verir ki, jurnalist Fabritsio Romanonun yaydığı məlumata görə, tərəflər arasında razılıq əldə olunub.
“Rossonyerlər” bu keçidi iyunda açıqlayacaq. Futbolçu 31 yaşlı qolkiper yeni komandasına azad agent kimi keçəcək. Çünki onun “Atalanta” ilə müqaviləsi bitir. İtaliyalı “Milan”da əsas qapıçı Mik Meynyanın əvəzləyicisi olacaq.
Qeyd edək ki, Marko Sportiello bu mövsüm 13 oyunda 16 qol buraxıb.
