"Yuventus" futbolçusu Karlo Pinsoqlio ilə müqaviləni uzadıb.
Corner.az klubun saytına istinadən xəbər verir ki, 33 yaşlı qapıçı ilə sözləşmə 2025-ci ilin iyununa qədər artırılıb.
"Yuventus"un yetirməsi olan italiyalı qolkiper bu mövsüm rəsmi oyuna çıxmayıb. Ötən mövsüm isə Karlo cəmi bir oyunda iştirak edib. Ümumiyyətlə, Pinsoqlio 2010-cu ildən "Yuventus"a məxsus olsa da, Turnir klubunda cəmi 5 rəsmi oyunda meydana çıxıb. O, indiyədək müxtəlif klublarda icarə əsasında oynayıb.
