İbrahimoviç “Milan”a qayıdır

“Milan”ın sabiq hücumçusu Zlatan İbrahimoviç üçüncü dəfə kluba qayıdır. 90deqiqe.az xəbər verir ki, bu barədə insayder Fabritsio Romano paylaşım edib.

O, komandanın yeni məsləhətçilərindən olan İbrahimoviçin də klubun sahibi RedBird Capitalda da çalışacağını vurğulayıb.

Eyni zamanda, isveçli Milanda baş direktor Giorgio Furlani və baş məşqçi Stefano Pioliyə futbolçu transferləri və komanda ilə bağlı digər məsələlərdə köməklik göstərəcək.

Qeyd edək ki, iki fərqli dövrdə "Milan"da çıxış edən 42 yaşlı İbrahimoviç bu ilin iyulunda karyerasını bitirmişdi. O, karyerası ərzində 819 oyunda 493 qol vurub, 201 məhsuldar ötürmə verib.