Poqbanın taleyi bu tarixdə həll olacaq

Antidopinq qaydalarını pozmaqda təqsirləndirilən “Yuventus”un və Fransa millisinin yarımmüdafiəçisi Pol Poqbanın işi üzrə məhkəmənin başlama vaxtı məlum olub.

90deqiqe.az xəbər verir ki, bu barədə yerli mətbuat məlumat yayıb. Məlumatda, məhkəmə prosesinin  yanvarın 18-də başlayacağı vurğulanıb. Dinləmə İtaliya Milli Antidopinq Tribunalında keçiriləcək. Avqustun 20-də Poqbadan götürülmüş nümunədə testosteron metabolitləri aşkar edilib. B dopinq testi də qadağan olunmuş maddənin olması üçün müsbət nəticə verib.

Qeyd edək ki, daha əvvəl  ittiham tərəfi Poqba üçün 4 illik qadağa tələb etmişdi.