Əfsanə kapitan 80 yaşında vəfat etdi

İtaliyanın “Napoli” klubunun əfsanəvi kapitanı Antonio Culiano 80 yaşında vəfat edib.

90deqiqe.az xəbər verir ki, bu barədə onun bir vaxtlar çıxış etdiyi Neapol təmsilçisi məlumat yayıb:

“Bu, klubmuzun və azarkeşlərinin tarixində ən pis günlərdən biridir. İyirmi il “Napoli”də çıxış edən Antonio İuliano vəfat edib. Əlvida”.

Antonio Culiano 1961-1978-ci illərdə “Napoli”nin heyətində 505 oyuna çıxıb və 12 mövsüm kapitan sarğısını daşıyıb. O, bu komanda ilə iki dəfə İtaliya Kubokunun, bir dəfə isə Alp Kuboku və İtaliya-İngiltərə Kubokunun qalibi adını qazanıb. İtaliya millisində 18 oyun keçirmiş Culiano 1968-ci ildə Avropa çempionu, 1970-ci ildə dünya ikincisi olub.