Sarrinin könlündən keçən komanda

İtaliya “Latsio”nun baş məşqçisi Mauritsio Sarri hansı komandada işləmək istədiyini açıqlayıb.

90deqiqe.az “Atletico Universe” istinadən xəbər verir ki, 64 yaşlı mütəxəssis seçim məcburiyyəti olsaydı, “Atletiko Madrid”də çalışmaq istədiyini bildirib.

“Bir komanda seçmək məcburiyyətində olsaydım, “Atletiko”nu seçərdim. Onların atmosferini çox bəyənirəm. Amma Simeonenin yerini tutmağı düşünmürəm, ümid edirəm ki, onu daha on il komandanın sükanı arxasında görəcəyik. Ancaq bir neçə il əvvəl məndən soruşsaydılar…”

Qeyd edək ki, italyan çalışdırıcı daha əvvəllər “Çelsi”, “Yuventus” və “Napoli”ni çalışdırıb.