Pioli Tonalinin son durumundan danışdı

"Milan"ın baş məşqçisi Stefano Pioli komandadan "Nyukasl"a satılan yarımmüdafiəçi Sandro Tonalinin diskvalifikasiyasından danışıb. 

90deqiqe.az xəbər verir ki, təcrübəli çalışdırıcı 23 yaşlı futbolçunun mərc etdiyindən xəbərsiz olduğunu bildirib: “Sandronun problemindən xəbərim yox idi. O, alicənab, ağıllı adam idi. Bütün oyunçularla açıq münasibətim var. Təkcə futboldan danışmıram, amma meydandan kənarda baş verən hər şeyi də bilmirəm. "Nyukasl" Tonali ilə müqavilə bağlayanda bu keçidin çox yaxşı olduğunu düşünürdüm. Bundan sonra baş verənləri heç kim gözləmirdi. Tonali həmişə çalışqanlıq nümayiş etdirib. Ümid edirəm ki, bu təcrübə onun üçün faydalı olacaq. Onun geri dönməsini istəyirik. Onun taktiki və fiziki qabiliyyətlərini nəzərə alsaq əvvəlki vəziyyətlərinə qayıdacağına inanırıq".

Xatırladaq ki, italyan futbolçu mərc etdiyinə görə 10 ay futboldan uzaqlaşdırılıb. Tonali, "Milan" matçlarında iştirak etmədiyi halda onlara mərc etdiyini etiraf  edib. Oktyabrın 27-də "Nyukasl" FİFA-nın oyunçunu bütün rəqabət xarakterli yarışlarda iştirakdan kənarlaşdırmaq üçün FIGC sanksiyalarını təsdiqlədiyinə dair təsdiq aldı. Beləliklə, Sandro 27 avqust 2024-cü ildə yaşıl meydanlara qayıda biləcək.