Məşhur futbolçu bu siyahıya başçılıq edir

Məşhur “FourFourTwo” futbol jurnalı tarixin ən yaxşı italyan oyunçularının siyahısını açıqlayıb.

90deqiqe.az xəbər verir ki, siyahıya "Yuventus", "Milan" və "İnter"in keçmiş hücumameyilli yarımmüdafiəçisi Roberto Badjio liderlik edir. “Milan”ın sabiq mərkəz müdafiəçisi Paolo Maldini ikinci yerdə qərarlaşıb. İlk üçlüyü “Yuventus” və PSJ-də çıxış edən qapıçı Cianluici Buffon qapayıb.

Maraqlıdır ki, 32 futbolçunun yer aldığı siyahıda hazırkı oyunçulara yer verilməyib.

Xatırladaq ki, Badjio millinin heyətində ikiqat İtaliya çempionu, İtaliya kubokunun və UEFA kubokunun qalibi, dünya çempionatının gümüş və bürünc mükafatçısıdır.