- İtaliya S.A.
- 16:59 22.10.2024
“Kalyari”nin baş məşqçisi Klaudio Ranyeri İtaliya A Seriyasının 17-ci turunun “Verona” ilə səfər oyununda (2:0) rəqib azarkeşlərin komandasının afrikalı yarımmüdafiəçisi Antoni Makumbuya qarşı irqçi şüarlara yol verməsindən narazılığını bildirib.
90deqiqe.az DAZN-a istinadən xəbər verir ki, o, bu irqçi şüarlara görə təəssüfləndiyini deyib:
“Təəssüf ki, italyan vərdişinə çevrilən belə şüarları eşitmək çox üzücüdür. Bunun qarşısını almağa cavabdeh olanlar bununla nəsə etməlidirlər. İnsanların hələ də dərilərinin rənginə görə bir-birlərini təhqir etmələri dəhşətdir”.
Xatırladaq ki, Ranyerinin komandası İtaliya A Seriyasında 17 turdan sonra 13 xalla hazırda 18-ci yerdədir.