“Çətin bir yol bizi gözləyir”

“Milan”ın baş məşqçisi Stefano Pioli İtaliya kubokunun 1/8 finalında “Kalyari”  (4:1) üzərində qazanılan qələbə ilə bağlı fikirlərini bölüşüb.

90deqiqe.az xəbər verir ki, təcrübəli mütəxəssis hədəflərinin titul qazanmaq olduğunu bildiirb.

“Nəticənin bütün gözləntilərimi üstələdiyini deməzdim, çünki yaxşı komanda ilə hazırlaşanda həmişə ən yaxşısı üçün ümid edirsən.

Əlbəttə ki, bəzi oyunçular başlanğıcda bir az həyəcanlı idilər, lakin zaman keçdikcə daha rahatlaşdılar. Oyunçularım yaxşı keyfiyyətə və istedada malikdirlər. Bəzən gənc futbolçuları çalışdırmaq yaşlılardan daha asandır. Gənc oyunçular öz sözünü deyə bildiklərini sübut edirlər, ona görə də onlar təkcə fövqəladə bir seçim kimi deyil, lazım olanda əlverişli alternativ kimi görünürlər. Bu, klubun uğurudur.

Titul qazanmağa çalışmalıyıq. Çətin bir yol bizi gözləyir, çünki “A” seriyasında və Avropa liqasındakı uğur əsas prioritetdir, onlar bizə çempionlar liqasına vəsiqə qazanmaq şansını qazandırır”.