"Latsio"ya 1 qol bəs etdi

İtaliya A Seriyasında 20-ci turun "Latsio" evdə "Leççe"ni qəbul edib.

90deqiqe.az xəbər verir ki, Maria Sole Ferrieri Kaputinin idarə etdiyi görüşdə meydan sahibləri 1:0 hesabı ilə qalib gəlib.

"Latsio"ya qələbə qolunu 58-ci dəqiqədə hücumçu Felipe Anderson imza atıb.

Beləliklə, bu matç Mauritsio Sarrinin yetirmələrinin ardıcıl dördüncü qələbəsi olub.

Qeyd edək ki, "Latsio" bundan əvvəl "Empoli" (2:0), "Frozinone" (3:1), "Udineze" (2:1) klublarını məğlub edib.

“Latsio” 2023/2024 mövsümündə İtaliya A Seriyasının turnir cədvəlində beşinci yerdədir. Komanda 20 görüşdən sonra 33 xal toplayıb. "Leççe" 21 xalla 13-cü pillədə qərarlaşıb. İtaliya çempionatının turnir cədvəlinə “İnter” başçılıq edir (51).