De Rossi “Roma”nı çalışdıra bilər

 Sabiq italyan futbolçu Daniele De Rossi "Roma"nın baş məşqçi postunda Joze Mourinyonu əvəzləyə bilər.

90deqiqe.az xəbər verir ki, klub rəhbərliyi komandanın hazırkı nəticələrindən narazıdır, həmçinin portuqaliyalının hakimlərin işindən giley-güzar etməsindən də yorulub. Bəzi “Roma” azarkeşləri də Mourinyoya qarşı çıxıblar.

Qeyd edək ki, Mourinyo 2021-ci ilin yayından “Roma”ya rəhbərlik edir. Onun hazırkı müqaviləsi mövsümün sonunda başa çatır. 60 yaşlı mütəxəssis 2021/2022 mövsümündə Konfrans Liqasında "Roma"nı qələbəyə aparıb.

"Canavarlar" ötən gün "Milan"a məğlub olub və hazırda A Seriyasında 29 xalla 9-cu yerdədir.