Buffon "Yuventus"un B Seriyasına düşdükdə ayrılmamasının səbəbini açıqladı

İtaliya millisinin sabiq qapıçı Canluici Buffon "Yuventus" klubunun B Seriyasına düşməsindən sonra komandanı tərk etməməsinin səbəbini açıqlayıb.

90deqiqe.az xəbər verir ki, 45 yaşlı veteran qolkiper bu seçimin onun üçün şərəf olduğunu bildirib.

“Bəziləri 28 yaşında, hətta dünya çempionu kimi “Yuventus”da qalmağın dəlilik olduğunu düşünəcək. Amma bu, şərəf seçimi, məni təmsil edən seçim idi. Bu, mənim inancım, həyati dəyərlərimdir. Pul mənim üçün həmişə sonuncu yerdə olub”

Xatırladaq ki, 2 avqust 2023-cü ildə Buffon futboldan getdiyini açıqlamışdı. Canluici Parma akademiyasının məzunudur. O, 1995-ci ildən 2001-ci ilə kimi bu klubda oynayıb, sonra PSJ-yə getməzdən əvvəl 17 il orada keçirdiyi "Yuventus"a keçib.

İki il davam edən fransız karyerasından sonra Buffon əvvəlcə “Yuventus”a qayıtdı, oradan isə 2021-ci ildə Parmaya qayıtdı.

Turin “Yuventus”unun tərkibində qapıçı 10 dəfə İtaliya çempionu olub, beş dəfə ölkə kubokunu və altı dəfə Superkubokunu qazanıb. 2006-cı ildə İtaliya millisinin tərkibində Canluici Buffon Dünya Kubokunun qalibi olub.