Mourinyo ilk dəfə "Roma"dan qovulması haqda danışdı

Bir gün əvvəl “Roma”dan qovulan baş məşqçi Joze Mourinyo sosial şəbəkələrdə klubdan ayrılması haqda yazıb.

90deqiqe.az xəbər verir ki, 60 yaşlı çalışdırıcı paylaşımında bunları qeyd edib.

"Tər, qan, göz yaşı, sevinc, kədər, sevgi, qardaşlar, tarix, ürək, əbədiyyət" - deyə, o, yazıb.

Xatırladaq ki, portuqaliyalı çalışdırıcı dünən paytaxt klubundan qovulub. 2023/2024 mövsümünün İtaliya çempionatının 20 turundan sonra "qurdlar" 29 xal toplayaraq 9-cu pillədə qərarlaşıb. Portuqaliyalı 2021-ci ilin yayında Roma klubunu çalışdıracaq. 2021/2022 mövsümündə "Roma" Konfrans Liqasının qalibi olub. 2022/2023 mövsümündə “Qurdlar” Avropa Liqasının finalına yüksəlib. Portuqaliyalı mütəxəssisin rəhbərliyi altında "Roma" ümumilikdə 96 oyun keçirib. “Qurdlar” 44 dəfə qalib gəlib, 23 dəfə heç-heçə edib və 29 oyunda məğlub olub.