Pulişiç ölkəsinin ən yaxşısı seçildi

Hücummeyilli yarımmüdafiəçi Kristian Pulişiç ABŞ-da 2023-cü ilin ən yaxşı oyunçusu seçilib.

90deqiqe.az xəbər verir ki, bu barədə Amerika millisinin mətbuat xidməti məlumat yayıb.

2018-ci ildə Pulişiç "Borussiya"dan "Çelsi"yə keçib və  2023-cü ildə londonluları "Milan"a dəyişib.

Cari mövsümü götürsək, “rossonerilər”in heyətində 26 rəsmi oyunda 25 yaşlı Pulişiç 7 qol vurub və altı məhsuldar ötürmə edib.

Futbolçunun Seriya A təmsilçisi ilə müqaviləsi 2027-ci ilin iyun ayına qədər nəzərdə tutulub.

Hazırda “Milan” A Seriyasının turnir cədvəlində 42 xalla üçüncü yerdə qərarlaşıb.”Milan” İtaliya çempionatında növbəti matçını şənbə günü səfərdə “Udineze”yə qarşı keçirəcək.