- İtaliya S.A.
- 16:59 22.10.2024
"Roma"nın yeni baş məşqçisi Daniele De Rossi komandadan qovulan Joze Mourinyo ilə əlaqə saxlayıb-yaxmaması ilə bağlı sualı cavablandırıb.
90deqiqe.az-ın məlumatına görə, italyan çalışdırıcı baş məşqçi postuna gətirildikdən sonra Mouriyoya mesaj yazdığını bildirib.
"Ona mesaj göndərdim və bunu etməli olduğum üçün deyil, həqiqətən istədiyim üçün etdim. "SPAL" ilə müqavilə imzalayanda mənə ilk yazanlardan biri idi. Bu, doğru idi.Bilmirəm, o, komandanı çalışdırmaqdan yorulubmu? Bu barədə ondan soruşmalısınız. Üzr istəyirəm, amma bu məni heç maraqlandırmır. Sadəcə, nəyi dəyişə biləcəyimə diqqət yetirməliyəm”, - deyə, De Rossi qeyd edib.
Xatırladaq ki, Mourinyonun qovulması yanvarın 16-da açıqlanmışdı.
De Rossi 2022-2023-cü illərdə SPAL-ı idarə edib.
Sabah, yanvarın 20-də De Rossi "Roma"nın baş məşqçisi kimi ilk matçına çıxacaq. “Roma” klubu “Verona” ilə qarşılaşacaq.