"Roma"dan çətin qələbə

"Roma" A Seriyasının 21-ci turunun matçında "Verona"ya qalib gəlib (2:1).

90deqiqe.az xəbər verir ki, 19-cu dəqiqədə Romelu Lukaku hesabı açıb. 25-ci dəqiqədə Lorenzo Pelleqrini komandasının ikinci qolunu vurub. 64-cü dəqiqədə qonaqlar penaltidən qol vura bilərdi, lakin Milan Djuric penaltini yerinə yetirə bilmədi. 76-cı dəqiqədə Maykl Folorunşo hesabdakı fərqi azaldıb. Beləliklə, "Roma"nın yeni baş məşqçisi Daniele De Rossi çıxdığı ilk matçda qələbə qazanmağı bacarıb.

"Roma" İtaliya çempionatında 32 xalla 8-ci pilləyə yüksəlib. “Verona” 17 xalla 18-ci yerdədir.