"İnter"də yeni müqavilə

"İnter" klubu hücumçusu Lautaro Martinez ilə müqaviləni uzadacaq.

90deqiqe.az-ın məlumatına görə, Milan təmsilçisi argetinalı futbolçu ilə yaxın günlərdə 2028-ci ilə qədər yeni sözləşmə imzalayacaq.

Martinez yeni müqavilədən sonra illik 8 milyon avro qazanacaq.

Xatırladaq ki, argentinalı 2018-ci ildən "İnter"də çıxış edir. Bu mövsüm hücumçu "neradzurri"nin heyətində bütün rəsmi turnirlərdə 26 oyun keçirib, 20 qol vurub və 5 məhsuldar ötürmə edib. Futbolçunun Milan klubu ilə hazırkı müqaviləsi 2026-cı ilin iyun ayının sonuna kimidir. Transfermarkt internet portalına görə futbolçunun təxmini dəyəri 110 milyon avrodur.